ڊاڪٽر احمد سومرو

تعليم: پي.ايڇ.ڊي (سنڌي) ڪراچي يونيورسٽي
ڪمپيوٽر ۽ گرافڪ ڊزائننگ ۾ سرٽيفيڪيٽ ڪورس
پيشو: استاد/اسسٽنٽ پروفيسر. گورنمنٽ ڊگري بوائز ڪاليج، سچل ڳوٺ ڪراچي
3 فانٽ ٺاهيل آهن: (1) سنڌي ساهت (2) احمد سومرو (3) فراز سومرو (ريگيولر ۽ بولڊ)
سنڌي ساهت.ڪام نالي سنڌي ويب سائيٽ 2004 ۾ ٺاهي. هاڻي اها سائيٽ بند آهي.
2008 کان 2009 تائين پاڪ ٽرانسليشن نالي اداري سان گڏ سنڌي ٻوليءَ جي مشيني ترجمي واري پراجيڪٽ تي ڪم ڪيو.
لطيفيات جي موضوع تي 2021ع ۾ سندس ڪتاب ”شاھ لطيف جو نفسياتي اڀياس“ شايع ٿيو.
ڪيترن ئي تحقيقي جرنلن جهڙوڪ ڪلاچي, ڪارونجهر ۽ مهراڻ ۾ تحقيقي مقالا شايع ٿيا آهن. ڪاوش مئگزين ۽ ٻين ادبي رسالن ۾ مضمون ڇپجندا رهن ٿا.
علمي ۽ تحقيقي سرگرمين کان سواءِ سنڌي فانٽ ٺاهڻ سان دلچسپي آهي. 2014ع ۾ سنڌ فيسبوڪ فرينڊس نالي رضاڪارن جو گروپ ٺاهيائين، جنهن ذريعي ٿر کان ڪاڇي تائين ھر سال ھزارين ماروئڙن کي تعليمي، طبي ۽ غذائي مدد فراھم ڪئي ويندي آھي. رمضان ۾ پورھيتن کي افطار ڪرائڻ کان وٺي عيدالفطر جي موقعي تي ھزارين غريب ٻارن ۾ نوان سبيل ڪپڙا ورھائڻ جو عمل ھن فورم پاران ھر سال سرانجام ڏنو ويندو آھي. ھن ئي فورم پاران آسو ٻائي ڪولهڻ ۽ حليما ڀيل جهڙن ڪردارن جي مالي ۽ اخلاقي سپورٽ ڪئي وئي، ٿر جي ڏورانھن ڳوٺن ۾ پاڻيءَ جا سوين نلڪا ۽ کوھ کوٽايا ويا ۽ ھر سال ڊسمبر ۾ رضاڪارن جي عالمي ڏينھن تي سنڌ جي ڪنڊ ڪڙڇ ۾ ڪم ڪندڙ رضاڪارن جي حوصلا افزائيءَ لاءِ کين ايوارڊ ۽ سرٽيفيڪيٽ ڏنا ويندا آھن.